Morð í Reykjavík !

Það kom að því að morð væri framið á þann hátt sem lesa má á mbl.is hér í henni Reykjavík. Það má segja að lengi hafi verið beðið eftir að slíkt gerðist hér, og það kom að því í dag. Það fyrsta sem mér datt í hug þegar ég heyrði um atburðin var að þetta hafi eitthvað með eitulyfjaheiminn að gera hér í henni höfuðborg okkar. Því sá heimur virðist stækka og stækka þrátt fyrir góða vinnu lögreglunar við að reyna að uppræta þennan ófögnuð, sem eiturlyfin vissulega eru. Þessi heimur eiturlyfja er að verða harðari með hverjum deginum sem líður, og það var aðeins spursmál hvenær eitthvað þessu líkt skeði. Ég skrifa þetta að því gefnu að um eiturlyfjamál hafi verið um að ræða. Ástæðan fyrir þessum verknaði getur vissulega hafa verið önnur. Það var eitt atriði í þessari frétt sem stakk svolítið í augun ! En það er þessi maður sem þarna kom að og tók fórnarlambið upp í bílinn til sín og ók honum niður að Laugardalslaug ! Því ók hann honum ekki beint á Sjúkrahús ? Maðurinn sem var skotinn hlítur að hafa verið blóðugur ? þannig að rökrétt hefði verið að koma honum beint á Sjúkrahús ?

Maðurinn sem varð fyrir skotárás í Reykjavík er látinn

Athugasemdir

[brahim, 29.7.2007 kl. 15:20]

Mig langar að bæta því við að ég sendi fjölskyldu hans og vinum innilegar samúðarkveðjur og megi Drottinn almáttugur hugga þau í þessari miklu sorg þeirra.

[David (IP-tala skráð) 29.7.2007 kl. 15:26]

Er ekki komin tími til að fara að taka upp dauðarefsingu hérna Þegar svona verknaður er framinn að því er virðist yfirvegað og með köldu blóði finnst mér að gerandinn sé búinn að fyrirgera sínum rétti til að lifa

Og sjálfsögðu votta ég astandendum mínar dýpstu samúðarkveðjur

[J. Einar Valur Bjarnason Maack , 29.7.2007 kl. 15:26]

Vil ekki vera leiðinlegur, en ástæðan fyrir að neðanjarðarhagkerfi og glæpir þrífast í kringum eiturlyfjaneyslu er sú að þau eru ólögleg, ef þau væru lögleg væri mun auðveldara að hafa stjórn á þessum málum og halda glæpum í lágmarki, þetta verður aldrei upprætt með lögregluaðgerðum. Hætti heimurinn að drekka þegar skærur stóðu sem hæst á milli lögreglumanna Elliotts Ness og hrotta Als Capone í áfengisbanninu? Er jafn mikið ofbeldi í kringum áfengissölu í dag og þegar sú sala og neysla var ólögleg?

Mjög dapurlegt að þessi örugglega ágæti maður var myrtur, en það breytir því ekki að þú ert að gefa þér forsendur sem eru óstaðfestar á þessum punkti málsins, enda maðurinn vart orðinn kaldur og byssumaðurinn/mennirnir ófundnir og ganga lausir. Þeir gætu hafa átt eitthvað allt annað sökótt við fórnarlambið, enda eru ekki öll morð framin vegna eiturlyfjaneyslu/sölu, morðinginn/ingjarnir gætu líka verið geðsjúkir einstaklingar sem réðust á fórnarlambið að algjörlega tilefnislausu.

Gerðu sjálfum þér og öllum greiða og vertu ekki að skálda upp söguþráð um eiturlyfjaviðskipti og slíkt, og mundu að harkan eykst bara því meira sem lögreglan vopnar sig. Þvímiður, það er fylgni á milli orsaka og afleiðinga, sjáðu til.

Hinsvegar verð ég að vera innilega sammála þér að sundlaugarstaðsetningin er vægast sagt stórfurðuleg, enda næsta sjúkrahús innan 5 mínútna aksturs.

[Garri (IP-tala skráð) 29.7.2007 kl. 15:35]

Ég er mjög sammála þér J. Einar Valur, gæti ekki hafa orðað þetta betur.

Höfundur sýnir vott að fordómafullum skoðunum svo og að vera fávís um þessi mál.

[brahim (IP-tala skráð) 29.7.2007 kl. 15:37]

Ef þú hefur lesið önnur blogg um þessa frétt þá er ég ekki sá eini sem datt í hug að samband milli þessa atburðar og eiturlyfja hafi verið að ræða. Og ef þú hefur lesið allt það sem ég skrifaði þá sagði ég að Ástæðan fyrir þessum verknaði getur vissulega hafa verið önnur.

[Garri (IP-tala skráð) 29.7.2007 kl. 15:50]

Og þá er málið upplýst.

[brahim, 29.7.2007 kl. 15:52]

 Ég skrifa þetta að því gefnu að um eiturlyfjamál hafi verið um að ræða. Ástæðan fyrir þessum verknaði getur vissulega hafa verið önnur.

Þú hefðir mátt lesa þetta líka sem stendur hér að ofan. (J.E V B M ) sem og þú Garri einnig. Auk þess sem ég virðist ekki vera sá eini sem hafi gefið mér það að um eiturlyf hafi verið um að ræða.

[J. Einar Valur Bjarnason Maack , 29.7.2007 kl. 15:56]

Og þá kom í ljós að þetta var vegna afbrýði og ástarþríhyrnings í anda grískra harmleikja.

Nornaveiðar stoða að nákvæmlega engu.

[brahim, 29.7.2007 kl. 21:23]

Hver er nú að skálda upp söguþráð !? Það hefur hvergi komið fram að um ástarþríhyrning hafi verið um að ræða. Hver veit hvort þau hafi verið skilin að skiptum eða ekki, þannig að þú sjálfur fellur í þá gryfju að vita meira en þú veist, eins og þú sagðir um mig. Samanber tilvitnun þína hér að neðan til mín.

Gerðu sjálfum þér og öllum greiða og vertu ekki að skálda upp söguþráð

[brahim, 29.7.2007 kl. 21:28]

Víðsýnar er þörf, hverjum þeim sem nútímann ratar og knýr sinna verka á vit, líka á vefnum. Enginn  veit söguna alla fyrr en öll kurl eru komin til grafar, sem þau nú eru.

Ekki hvað meintan Ástarþríhyrning um ræðir hjá þér.

[Gígja (IP-tala skráð) 30.7.2007 kl. 00:03]

...uuuu  þegar talað er um ástarþríhyrning þá er ekki endilega verið að meina það sem í daglegu tali er kallað "threesome"  Á orðið vel við í þessu samhengi, hvort sem fólkið hafi verið skilið að skiptum eður ei.  Er það gjarnan notað þegar ástarmál nokkurra einstaklinga skarast og afbrýðin tekur völdin.

[J. Einar Valur Bjarnason Maack , 30.7.2007 kl. 09:09]

Þetta var ástarþríhyrningur. Hinn myrti hafði tekið upp samband við fyrrverandi eiginkonu morðingjans. Lestu nú aðeins málsatvik áður en þú ferð að saka mig um þína hegðan. MBL.is: Morðinginn svipti sig lífi.