Ekið á sjúkrabíl í forgangsakstri

Alltaf er maður jafn hissa þegar svona kemur fyrir eins og segir í fréttinni. Er fólk gersamlega heyrnarlaust eða hvað ? Það fer ekkert á milli mála hvað um er að vera þegar sjúkrabílar nú eða lögreglubílar eru í forgangsakstri.... blikkandi ljós og sírenuvæl. Lítur fólk ekki í kring um sig þegar það heyrir sírenuvælið svo nálægt sér eða hvað! Það er því miður daglegur viðburður að fólk hunsi þessi merki sjúkrabíla og lögreglu í forgangsakstri....víkur ekki úr vegi eða stoppar ekki heldur vegna þess að þeim sjálfum liggur þessi reiðarinnar ósköp á að komast sinna eigin leiða. SKAFIРÚR EYRUM OG OPNIÐ AUGUN GOTT FÓLK. 

Ekið inn í hlið sjúkrabíls

Athugasemdir

[Guðmundur Ásgeirsson, 14.7.2009 kl. 14:23]

Þetta er þó ekki eins og í Palestínu eða Líbanon, þar sem algengt er að sjúkrabílar í forgangsakstri keyri niður hjólreiðamenn eða gangandi vegfarendur. (Þar reyndar göturnar líka talsvert þrengri og ökumenn neyðarbíla þar keyra gjarnan allt of hratt og gáleysislega.)

[Steinn Hafliðason, 14.7.2009 kl. 14:25]

Þetta er vissulega sorglegt. Ég var staddur í París fyrir ekki svo löngu og eitt af því sem kom mér mest á óvart þar var hversu parísarbúar báru litla virðingu fyrir bílum í forgangsakstri þ.e. lögreglu, sjúkra- og slökkviliði. Það virtist bara öllum vera sama um hvers konar sírenur og ljós.

Á Íslandi finnst mér að jafnaði bera mikla virðingu fyrir akstri þessara aðila og vikið vel fyrir þeim þrátt fyrir þetta slys.

[brahim, 14.7.2009 kl. 14:30]

Já satt er það Guðmundur... götur Palestínu eru þröngar, svo mikið veit ég. En ekki held ég.... í það minsta hef ég ekki séð íslenska sjúkrabíla aka gáleysislega um götur Reykjavíkur, þvert á móti. Það er mín reynsla að þeir hægi mjög vel á sér við öll gatnamót og þar sem þrengsli eru... svo fólk hafi tíma til að víkja eða stoppa.

[Guðmundur Ásgeirsson, 14.7.2009 kl. 14:31]

Þetta er líka spurning um lög og reglugerðir sem eru mismunandi eftir löndum. Á Íslandi er það þannig að neyðarbíll með blikkandi ljós og sírenur vælandi fær ekki sjálfkrafa forgang, heldur felst aðeins í því beiðni um forgang, en að flestu leyti gilda almennar umferðarreglur samt sem áður um slíkan akstur. Í Bandaríkjunum er þessu hinsvegar öfugt farið, þar er ökumönnum skylt að víkja út í vegkant fyrir neyðarbílum í forgangsakstri, og geri þeir það ekki eru þeir brotlegir við lög og jafnvel hægt að handtaka þá.

[brahim, 14.7.2009 kl. 14:35]

Já vissulega Steinn H....ber megin þorri fólks hér á Íslandi virðingu fyrir forgangsakstri  lögreglu, sjúkra- og slökkviliði. En það eru allt of margir skussar sem virða þetta að vettugi. Kannski ekki með einbeittum vilja...en hugur þessara ökumanna virðist vera víðsfjarri í þeirra akstri.

[brahim, 14.7.2009 kl. 14:41]

Ef þetta er á þennan veg Guðmundur... eins og þú segir. Þá þarf svo sannarlega að innleiða slík lög hér á landi...eins og þau sem eru í BNA. Því gegnum árin hafa orðið of mörg viðlíka slys eins og skrifað var um í frétt Mbl.is

[aðstandandi (IP-tala skráð) 14.7.2009 kl. 15:25]

Ég þekki ökumanninn mjög vel.

Hann er gætinn og rólegur maður.  Finnst palladómar um svona slys ekki gera mönnum neinn greiða.  Þetta eru önnur hættulegustu gatnamót landsins.

[brahim, 14.7.2009 kl. 15:50]

Það var ekki verið að skrifa um þennan ákveðna ökumann sem lenti í þessu slysi...þú tekur þessu einum of persónulega þar sem þú virðist þekkja þann sem lenti í þessu. Og það má vera að þessi ökumaður sé rólegur og gætin að eðlisfari...en eitthvað hefur þó vantað upp á það í þessu tilviki...því það þarf að vera á ansi góðum hraða til að velta sjúkrabíl...þeir eru nú engir léttavagnar.

Lesa betur það sem skrifað er um áður en þú svarar vinur.

Það var einungis verið að benda almennt á þá skussa sem virða ekki forgang lögreglu, sjúkra- og slökkviliðsbíla í forgangi.

[Andrea (IP-tala skráð) 14.7.2009 kl. 15:56]

Auðvitað ber að víkja fyrir bíl í forgangsakstri, en getur samt ekki verið að ökumaðurinn hafi ekki heyrt í sjúkrabílnum?  Ég verð að viðurkenna að stundum heyrir maður óljóst í sírenunni en getur engan veginn gert sér grein fyrir því úr hvaða átt hún kemur.   Ég hef lent í því oftar en einu sinni en sem betur fer var bíllinn í forgangsakstri þá ekki að fara í sömu átt og ég.   Auk þess ef maður er með útvarpið hátt stillt, þá er alveg möguleiki á að heyra ekki í sírenunni.

Samt ömurlegt þegar svona slys verður. Vonandi er enginn stórslasaður eftir þetta.

[Haraldur (IP-tala skráð) 14.7.2009 kl. 16:06]

Heyrið þið virkilega NÁKVÆMLEGA hvar sjúkrabíllinn er þegar vælan er í gangi? ég hef næstumkeyrt í hlið á sjúkrabíl. ég heyrði í sírenunni og fannst bíllinn vera einvherstaðar fyrir aftan mig...  og svo BOOM birtist beint fyrir framan mig allt í einu.

[brahim, 14.7.2009 kl. 16:18]

Já Andrea, svo sannarlega fór það svo að enginn slasaðist alvarlega...sem betur fer. Vissulega getur það skeð að fólk heyri ekki vel í sírenuvæli ef útvarp er hátt stillt...en ég hef kannski verið fæddur gamall, því ekki þoli ég að sitja í bíl með útvarp eða cd spilara svo hátt stillt að ekki sé hægt að heyra aðra tala (ef þeir eru í bílnum) hvað þá utanaðkomandi hljóð...sem vissulega er nauðsynlegt að heyra upp á öryggi í umferðinni að gera. T.d. mótorhjólum...nóg hefur víst verið af slíkum slysum undanfarin ár...þ.e.a.s. mótorhjólaslysum.

[brahim, 14.7.2009 kl. 16:26]

Haraldur...að mínu mati, ég endurtek...að mínu mati, þá heyrir þú hvort sírenuvæl er nálægt þér eða í fjarlægð...og þá hægir maður á sér...ég geri það í það minsta...og það alveg ósjálfrátt... þó svo maður viti ekki upp á metra í hvaða fjarlægð þeir eru ( bílar í forgangi með sírenurnar á) þeir sem ekki gera það eru ekki með hugan við aksturinn...eða með græjurnar í botni.

[Bragi (IP-tala skráð) 14.7.2009 kl. 16:46]

Látið umferðina ganga...

[Eiríkur (IP-tala skráð) 14.7.2009 kl. 17:06]

Umferðarlög 

8. gr. [Ráðherra]¹⁾ setur reglur²⁾ um neyðarakstur og getur undanþegið þann akstur frá ákvæðum laga þessara.
Nú notar ökumaður ökutækis, sem ætlað er til neyðaraksturs, sérstök hljóð- eða ljósmerki við akstur og skulu aðrir vegfarendur þá víkja úr vegi í tæka tíð. Ökumenn skulu nema staðar ef nauðsyn ber til. [Ráðherra]¹⁾ ákveður hvernig merkjum þessum skuli háttað.³⁾ Þau má eingöngu nota þegar nauðsyn ber til og er stjórnanda ökutækisins skylt að taka tillit til annarra vegfarenda.

Guðmundur, Þetta er ekki beiðni um forgang.  Ökumenn eiga að víkja frá.

[Gummi (IP-tala skráð) 15.7.2009 kl. 00:27]

Jú þetta er í raun beiðni og virði menn beiðnina skulu þeir víkja frá. Neyðarakstur er í raun skilgreindur þannig að ökumaður lætur hjá líða að fylgja umferðarreglum í hvívetna. Undantekningalítið er bifreið í neyðarakstri í órétti við árekstur. Það er til þess að ökumenn slíkra bifreiða verði að gæta sín. Ökumönnum bifreiða í neyðarakstri er uppálagt að fara rólega yfir gatnamót þar sem þeir eru ekki í rétt og vera þá með hljóðmerki. Ástæðan: Til þess að ökumenn annarra bifreiða átti sig á hvaðan hljóðið kemur og geti þá brugðist við á réttan hátt. Það er alls ekki alltaf auðvelt að átta sig á hvaðan maður heyrir sírenuvæl og stundum er sírenu skellt á rétt þegar neyðarakstursbifreið kemur að gatnamótum og þá er oft lítill tími til viðbragðs hjá öðrum. Ökumenn neyðarakstursbifreiða eru eins misjafnir með þetta að gera og þeir eru margir. Ég var sjálfur lögreglumaður um hríð og þekki þá hlið mála vel, rétt eins og hina hliðina þ.e. að vera almennur ökumaður sem fær skyndilega sírenuvæl í hnakkann.

Nú veit ég ekkert hver aðdragandinn var að umræddu slysi og mun því ekki mynda mér skoðun um það. 

[Eiríkur (IP-tala skráð) 15.7.2009 kl. 13:59]

Lestu lagagreinina.  Orðið "skulu" er ekki notað þegar um beiðni er að ræða.

Þú gætir líika flett í reglugerð um sektir og viðurlög vegna brota á umferðarlögum og séð að það er sekt við því að víkja ekki.

Ef þetta væri beiðni um forgang væri ekki hægt að sekta fyrir það að víkja ekki.

Ég veit ósköp vel að ökumaður í forgangsakstri er nær alltaf í órétti þegar árekstur verður og ég veit býsna vel hvernig á að haga sér í forgangsakstri þar sem ég geri það reglulega, ég vildi bara leiðrétta þann misskilning að um beiðni væri að ræða.

[BaldurM (IP-tala skráð) 15.7.2009 kl. 16:08]

Vissulega er leiðinlegt þegar svona gerist og það fyrsta sem maður hugsar, hvað var ökumaðurinn að hugsa? En hins vegar veit maður ekkert um atburðarásina, t.d. bara af hvaða götum voru þeir að koma.

Verður líka ekki að teljast líklegt að það verði svona óhöpp í forgangsakstri sjúkrabifreiða án þess að það sé nokkrum að kenna. T.d. má ekki gera ráð fyrir að í einu af hverju 5000 útkalli (ef ekki miklu færra) verði óhapp. En við tökum svo bara eftir því þegar það gerist. Svona svipað og það eru bara þó nokkuð miklar líkur á því að einhver vinni tvisvar í lottó en okkur finnst það alltaf jafnmerkilegt þegar það gerist.