Prumpaði Tiger Woods í beinni?

 

 Ofurkylfingurinn Tiger Woods var staddur á 18. holu í Buick Open golfmótinu um síðustu helgi þegar „einhver“ í nágrenni við upptökuvélarnar á svæðinu leysti vind. Var það Tiger sjálfur? Hann og kylfusveinninn hans hlæja í það minnsta að atvikinu á meðfylgjandi myndbandi.

Meðfylgjandi myndband er tekið úr morgunþættinum Good Day LA þar sem þáttastjórnendur sýna myndbandið vígalega. Ráðgátan er hins vegar sú, hver prumpaði?

Sjónvarpsstöðin CBS sem sýndi frá mótinu fullyrðir að það hafi ekki verið Tiger sem leysti vindinn. Hvernig þeir leituðu af sér allan grun fylgir hins vegar ekki sögunni.

Tiger Woods vann alla vega mótið með þremur höggum, vindhöggið hefur eflaust ekki verið talið með.

                                                       Myndbandið  er  hér ...