Hinn eini sanni mótmælandi er fallinn frá.

Helgi Hóseasson látinn.

Helgi Hóseasson lést á elliheimilinu Grund í morgun 6/9´2009, 89 ára að aldri. Helgi sem nefndur hefur verið mótmælandi Íslands fæddist í Höskuldsstaðaseli í Breiðdal þann 21. nóvember 1919. 

Helgi fannst hann beittur óréttlæti af hálfu Kirkjunnar sem og dómstóla...vegna þess að kirkjan og dómstólar vildu ekki rifta skírnarsáttmála hans. Kirkjan og samfélagið vildu ekki viðurkenna að hann væri ekki lengur bundinn loforðum gefnum við skírn og fermingu. Helgi fékk aldrei kröfum sínum framgengt þrátt fyrir að hafa staðið að þessum mótmælum sínum allt frá árinu 1962. Þrautseigja hans var stórmerkileg.

Má geta þess, að hér á landi er fullt af fólki, Íslendingum sem öðrum...sem eru hvorki skírð né fermd...Heldur eru þau nefnd eins og kallað er...Gefið nafn án skírnar og þar af leiðandi ekki fermd heldur...Og þurfa því ekki að gangast undir sáttmála né loforð Kirkjunnar. Svo ég get vel skilið Helga og mótmæli hans fyrir að fá að vera ekki í þeim hópi.

Helgi átti það til að nota önnur meðul en skilti sín við mótmælin...s.s. skyr eins og frægt er o.fl.

Man eftir Helga við mótmæli sín alveg síðan ég var smá strákur...við Austurvöll, Lækjartorgi og fleiri stöðum eins og hlemmtorgi þar sem hann mætti árum saman...

Á mínum unglingsárum þótti mér Helgi "skrítin" eins og sagt er...en alls ekki í illri meiningu...maður flissaði yfir því að sjá þennan mann með hin skrítilega orðuð skilti sín sem maður botnaði ekkert í hvað þýddu.

En sá skilningur kom þó seinna meir...þegar maður fór að pæla meira í þessum orðum sem hann notaði á skiltin sín.

Það er sjónarsviptir af mönnum eins Helga.

Blessuð sé minning þessa manns. Far hann í friði.