lög um barnaníðinga

Í næsta mánuði verða allir í Bretlandi sem starfa með börnum og fötluðum fullorðnum að skrá sig hjá sérstakri stofnun. Það verða líka þeir foreldrar að gera sem aðstoða við íþróttaþjálfun eða þeir sem taka að sér að skutla börnum annarra reglulega í íþróttatíma. Þeir sem ekki skrá sig verða að greiða 5.000 pund í sekt eða sem samsvarar rúmri 1 milljón íslenskra króna.

Hugmyndin er í sjálfu sér ágæt svo framarlega sem að þessi tilvonandi gagnagrunnur verður aðeins notaður við samkeyrslu við gagnagrunn um barnaníðinga.

En ekki við aðra gagnagrunna um t.d. meinta afbrotamenn sem ekki hafa brotið af sér gagnvart börnum.

Ef þeir gera það, þá finna þeir örugglega einhverja sem brotið hafa af sér með einhverskonar penny theft dæmi á bakinu.

Munu þeir þá tilkynna vinnuveitendum um smáglæp þann sem viðkomandi framdi og hann þá í kjölfarið jafnvel missa starf sitt vegna þess ?

Og hvað með þá sem keyra börn annarra á íþróttamót eða æfingu...nú eða í skóla ?

Þessi lög Breta eru greinilega sett af fólki sem ekkert veit um málið. Fólki sem ekki eiga börn í íþróttastarfi eða skólastarfi.

Það þarf að hugsa aðeins betur um framkvæmd sem og útfærslu þessara laga áður en skaðinn skeður.

Er t.d. hræddur um að þeir sem aka börnum annarra muni hugsa sig tvisvar um áður en þeir láta setja sig í gagnagrunn um hugsanlega barnaníðinga.

 

Gagnrýna lög gegn barnaníðingum

Athugasemdir

[Ari Kolbeinsson, 13.9.2009 kl. 19:44]

Þetta er bara svo arfavitlaust. Þetta þýðir að það verður svo mikið mál fyrir fólk að vinna með börnum að engin mun nenna því. Einnig er tímafrekt og kostnaðarsamt að fá stimpil á rassinn um að maður sé ekki (nei bíddu, hafi aldrei verið dæmdur sem) barnaperri. Það verður ENGINN í sjálfboðaliðastarfi með börnum. Í staðinn koma þau til með að hanga meira niðri í verslunarmiðstöð, eða vafasamari stöðum. Þar verða barnaperrarnir hvort eð er. Arfavitlaust, og skilar akkúrat þveröfugum áhrifum. Minnkar aðhald, umhyggju og skemmtun allra barna til að reyna að stoppa örfáar vondar manneskjur. Og sem faðir vil ég vernda börnin mín, en þetta bara er ekki rétta leiðin.

[brahim, 13.9.2009 kl. 20:16]

Ari: Sammála þessum punktum sem þú nefnir. Sem og að þetta er arfavitlaust.