Spáir stórskjálfta 27. júlí

 Í dag lýsir Lára Ólafsdóttir "miðill" þessu yfir í ítarlegu viðtali við Pressuna...þannig að ekki er seinna vænna en að fara að undirbúa sig fyrir þennan dag og huga að því að ganga kyrfilega frá öllu sem gæti farið á hreyfing og eða brotnað .

Þar sem þetta á nú að ske kl. 23.15 um kvöldið þennan dag...gætu þeir karlar sem eru lúslatir í ástarlífinu látið sig hlakka til kvöldsins og undirbúið smá rómantík...

farið upp í rúmið um 11efu leitið með spúsunni...kelað svolítið...en passa bara upp á að vera komin í söðulinn kl. 23.15 og láta jarðskjálftann svo um restina ...

það gæti nú orðið alveg magnað...eins og Lára segir. .

23. júl. 2009 - 17:16

 „Þennan dag mun eitthvað magnað gerast“ - Spáir stórskjálfta 27. júlí

Lára Ólafsdóttir sjáandi spáir stórum jarðskjálfta mánudaginn 27. júlí, eða eftir fjóra daga. Hún telur að skjálftinn, sem mun eiga upptök sín á Krýsuvíkursvæðinu, muni ríða yfir klukkan 23:15. „Þennan dag mun eitthvað magnað gerast, ég bara veit það,“ segir Lára í viðtali við Vikuna.

Í ítarlegu viðtali lýsir Lára því meðal annars hvernig hún sá fyrir Suðurlandsskjálftann í fyrra. Hafði hún hringt á Veðurstofuna 10 dögum áður og látið vita. Fimmtán mínútum áður en sá skjálfti reið yfir rak hún eiginmann sinn og lettneskan vinnumann niður úr byggingu sem þeir unnu að. Lára sá sömuleiðis fyrir Suðurlandsskjálftann árið 2000. Í viðtali við Morgunblaðið um burstabæi og kirkjur sagði hún að það sama ár myndi skjálfti ríða yfir. Einum og hálfum mánuði síðar reið skjálftinn stóri yfir.

Nú spáir Lára því að næsti skjálfti ríði yfir mánudaginn 27. júlí, nánar tiltekið klukkan 23:15. „Mér hefur verið sýnt að það komi stór skjálfti þarna (á Krýsuvíkursvæðinu), ég stend á þessu svæði og upp í hugann kemur dagsetningin 27. júlí. Einnig finn ég fyrir tímasetningunni 23:15 en þori þó ekki að staðhæfa að það verði rétt. Ég hef ekki fengið sterk skilaboð um tímann en finnst þessi síðasta klukkustund fyrir miðnætti eitthvað sérstök. Ég stend í Krýsuvík og á vinstri hönd sé ég Strandakirkju og hægri hönd Grindavíkursvæðið. Þessi tala hverfur ekki frá mér,“ segir Lára. „Þennan dag mun eitthvað magnað gerast, ég bara veit það. Ég hef tilfinningu fyrir stórum skjálfta og mér finnst að hann verði þarna.“

Vikan bar frásögn Láru undir Ragnar Stefánsson jarðskjálftafræðing. Hann segir enn spennu í jörðinni sem ekki hafi læðst úr læðingi í síðustu skjálftum. Hins vegar sé ekkert sem bendir til þess að stór skjálfti sé yfirvofandi á þessu belti.  „Stór skjálfti þarf alls ekki að koma á Suðurlandi næstu áratugina. Þegar hann hugsanlega kæmi er líklegast að hann yrði frekar austarlega á skjálftabelti Suðurlands, nær Heklu,“ segir Ragnar sem telur sömuleiðis enga hættu á eldgosi, enda ekki gosið á þessu svæði síðan á 14. öld.