Stakk barn í brjóstið

Lögreglan á Suðurnesjum handtók 22 ára gamla konu í dag sem grunuð erum að hafa veitt fimm ára gamalli stúlku áverka með eggvopni. Heimildir DV.is herma að konan hafi komið að húsinu í morgun, bankað upp á og litla stúlkan hafi komið til dyra. Fyrirvaralaust hafi konan stungið hana í brjóstið.

Hvað er hægt að segja um svona verknað ? Maður verður bara orðlaus yfir þessari villimennsku konunnar.

Er hún hreinlega trufluð á geði ?...var hún undir áhrifum eiturlyfja ? eða átti hún eitthvað sökótt við íbúa hússins og lét það bitna á blessuðu barninu ?

Víkurfréttir hafa eftir nágrönnum að mikil umferð lögreglubíla hafi verið um svæðið. Þá segir einn þeirra að lögreglan hafi verið þarna síðast fyrir tveimur eða þremur sólarhringum en nú væri viðbúnaður lögreglu allt annar og miklu meiri.

Þessu verður víst ekki svarað fyrr en yfirheyrslum yfir konunni lýkur. Og ekki ætla ég að fara að meta né dæma um ástæður þessa verknaðar.

Hver sem hún var er engin afsökun til fyrir verknaði af þessu tagi. Megi konan þurfa að sitja sem lengst í fangelsi fyrir gjörðir sínar.

Það má leiða að því líkum að blessað barnið þurfi á sálfræðihjálp að halda eftir að það hefur jafnað sig. Sem ég vona svo sannarlega að það geri.

Því traust barnsins á mannfólkinu hlýtur að hafa skaðast all verulega eftir þetta og því þarf það örugglega á hjálp að halda, sem ég vona að það fái.